portnafarraigegoirt.jpg

Port na Farraige Goirt

Hugo Pratt

€12.00

256 lch; bog: ISBN 0 898331 02 0

Úrscéal grafach do dhéagóirí agus léitheoirí fásta: 1914, in áit éigin in iardheisceart an Aigéin Chiúin, tagann bád seoil an Chaptaein Raspúitín ar fhear ceangailte de rafta atá ag imeacht le sruth: Corto Maltese. Tá Corto agus Raspúitín ag obair don Mhanach, tiarna mistéireach ar fhoghlaithe mara na bhFarraigí Theas - fear a bhfuil rún uafásach á cheilt i ngar dá chroí aige. Agus cabhlaigh Shasana agus na Gearmáine ag fáil faoi réir don Chogadh Mór, cuirtear tús le heachtra ina gcastar canablaigh orainn agus longa cogaidh, fir chróga agus feallairí, cairde agus geilt, agus ógbhean álainn mhealltach a chuirfeadh an chluain ar an mairnéalach is cruaichte i bPort na Farraige Goirt.

Seo é an chéad leabhar sa tsraith úrscéalta grafacha ‘Corto’. Foilseofar an dara leabhar sa tsraith, Corto: ‘An Teach Órga i Samarkand’ ar an 01 Meán Fómhair 2014.

Aistriúchán déantai nGaeilge shimplí shaibhir. Leabhar í a thaitneoidh le léitheoirí fásta chomh maith le déagóirí.

"Gaisceoireacht pléisiúrtha atá ann, bithiúnaigh agus laochra, mistéir, corr agus casadh, bruinneall dathúil (ar ndóigh), bundúchasaigh ghlice i dtiúin leis an muir, polaitíocht na cruinne ar thairseach cogaidh... Leabhar Breac i dtús cadhnaíochta." — Aonghus Ó hAlmhain, Smaointe Fánacha Aonghusa

"Tagann an t-aistriúchán i dtír ar cheann de na buntáistí is mó atá ag an úrscéal grafach mar sheánra ... teanga nádúrtha neamhfhoirmiúil a léiriú don léitheoir ... Tá Port na Farraige Goirt breac le cora cainte a léiríonn caint bheo Chonamara." — Máirtín Coilféir, COMHAR

Alt ar Corto Maltese in An Tuairisceoir

Físeán: La ballade de la mér salée (2002)

Pandora