Nuair a bhuaileann Tintin agus a mhaidrín Báinín leis an Éigipteolaí aisteach Seán Ó Tuama, téann siad sa tóir ar an áit rúnda ina bhfuil an Faró Kí-Oskh ina luí. Ach tá níos mó ná seargáin agus gaineamh rompu sa ghaineamhlach. Tagann siad ar smuigléirí drugaí agus leanann cúpla leid a fhágann i ngleic le bithiúnach idirnáisiúnta iad. Leagan Gaeilge le Gabriel Rosenstock    
Tuilleadh
Leanann Tintin agus Báinín leideanna aisteacha a chuireann sa tóir ar chairtéal drugaí iad. Tá Tintin faoi ghlas sa long, an Karaboudjan, agus an Captaen Haileabó air le deoch. An criú atá i gceannas! Ar thaobh amháin de, tá gaineamhlach dóite, an Sahára, agus ar an taobh eile de tá duibheagán na Meánmhara. Tá Tintin agus Báinín i mbaol a n-anama cinnte! Leagan Gaeilge le Gabriel Rosenstock.

Tuilleadh
Beirt an-éagsúil iad an Lorgaire agus Mac Giolla Mór. Cé gur fearín beag atá sa Lorgaire, dar leis féin is lorgaire mór é - sin duine a théann ar lorg rudaí móra. Maidir le Mac Giolla Mór, measann an Lorgaire go ndéanfadh sé cúntóir breá - d'fhéadfadh sé glas ar dhoras a bhriseadh dó, málaí troma a iompar, nó scanradh a chur ar bhithiúnaigh, fiú. Ach anois, agus an tír faoi bhagairt ag dragan fíochmhar ón Tuaisceart, níl ag déanamh imní do Mhac Giolla Mór ach a bholg. Ní hamháin go gcaithfidh an Lorgaire a chompánach ocrach a mhealladh le dul ar lorg an dragain, ach caith?dh siad aghaidh a thabhairt ar bhithiúnaigh den uile chineál agus, ansin, an dragan mór mílteach seo a dhíbirt as an tír. Cé a dúirt go mbeadh sé éasca!!
Tuilleadh

Gráinne Mhaol

€11.00
Eachtraí spleodracha Ghráinne Ní Mháille, máthair, ceannaire agus mairnéalach, bean nár smachtaíodh riamh; bean a d’fhulaing go leor ach a tháinig slán ar deireadh mar dhuine de mhórlaochra stair na hÉireann.

Scéal eipiciúil spleodrach suite ar chósta thiar na hÉireann sa 16ú haois, inste go bríomhar ag Gisela Pizatto agus maisithe go healaíonta ag Bruno Büll. Iarla Mac Aodha Bhuí a d'aistrigh.

Tuilleadh
Tá Danny, Seaimpín an Domhain ar cheann de na leabhair is mó aistriúcháin ar domhan.
Insítear scéal Danny agus a athar William san úrscéal seo (1975) a phléann leis an ngrá speisialta idir athair agus mac — scéal a bhaineann le roghanna morálta, agus a thaispeánann sé cé mar a dhéanann daoine ‘maithe’ drochrudaí, nó go gcuirtear daoine i gcás go mbíonn orthu roghanna deacra a dhéanamh. Ina dhiaidh sin féin, tugann an leabhar seo dóchas do dhaoine óga. Taispeáineann sé gur féidir leo céimeanna beaga a thógáil in aghaidh daoine atá ag déanamh gearleanúna orthu, agus cathanna beaga a bhuachaint trí chlisteacht agus obair chrua. Rinneadh scannán den leabhar in 1989, agus tá sé ar cheann de na leabhair is cáiliúla le Roald Dahl.

Tuilleadh
Tá sráidbhaile Asterix go mór trína a chéile. Tá Ogamaix, draoi, i ndiaidh a chorrán óir a bhriseadh agus ní thig leis éilicsir an nirt a dhéanamh gan é! Imíonn Asterix agus Obelix ar mhisean contúirteach go Lúitéis, le corrán nua a cheannach ó Amerigix, a bhfuil gaol i bhfad amach aige le hObeli x agus atá ar an fhear déanta corrán is fearr dá bhfuil sa Ghaill. Ach tá Amerigix imithe gan tásc gan tuairisc agus caithfidh ár mbeirt laoch dul á lorg i measc choirpigh agus bhithiúnaigh na cathrach. An dtiocfaidh siad ar Amerigix nó an mbeidh corrán óir nua chun an bhaile leo i gcomhair Ogamaix?

Tuilleadh
Úrscéal grafach grinn sa tsraith iomráiteach Asterix. Tá an Ghaill faoi smacht ag arm Iúil Caesar, ach amháin an sráidbhaile ina gcónaíonn Asterix agus a chairde dochloíte. Tagann neart as cuimse iontu nuair a ólann siad an téilicsir a dhéanann Ogamaix, draoi. Faigheann taoiseach céid na Rómhánach amach faoi sin agus ordaíonn dá chuid saighdiúirí an draoi a ghabháil. Ach tá Asterix glic… saorfaidh sé Ogamaix agus fágfaidh sé na Rómhánaigh briste bearrtha.

Tuilleadh
"Feicim contúirt mhór thar sáile chugainn... Fillfidh an sclábhaí." Sin an tuar a dhéanann Lochrú Draoi don Ardrí agus lucht a chúirte. Ach má fhilleann, an mbeidh fórsaí an Áibhirseora in ann a mhisean a chur ó mhaith? Nó an dtig leis dul i ngleic leis na draoithe agus an seanréimeas a chloí? Seo é an dara cuid de scéal eipiciúil Phádraic, é lán d'aicsin agus teannais., agus an triú húrscéal grafach le Colmán Ó Raghallaigh. Bhuaigh an chéad dá leabhar sa tsraith duaiseana Bisto i 2002 agus 2003 faoi seach.

Tuilleadh
Úrscéal grafach grinn sa tsraith iomráiteach Asterix. Tá Dándírix, file ón sráidbhaile Gallach, gafa ina phríosúnach ag na Rómhánaigh. Imíonn Asterix agus Obelix ar thuras contúirteach chun é a shábháil. Ach tá Dándírix faoi ghlas sa sorcas mór agus níl aon ní i ndán dó ach troid leis na leoin. Ní éiríonn le hiarrachtaí Asterix agus Obelix go dtí go bhfaigheann siad post a thugann cead isteach sa sorcas dóibh. Samhlaigh an t-iontas a bheidh ar na Rómhánaigh nuair a thiocfaidh Asterix agus Obelix ina láthair agus iad ina ngliairí!

Tuilleadh