Scéalta Nuachta ó Leabhar Breac

'Leabhar na Bliana 2017' Fógartha

Ag ócáid bhronnta ag Oireachtas na Gaeilge i gCill Airne an tseachtain seo caite, ghlac an foilsitheoir Darach Ó Scolaí le Gradam Uí Shúilleabháin 'Leabhar na Bliana 2017' ar son Leabhar Breac agus ar son an údair Diarmuid Johnson don leabhar Conaire Mór, athinsint bhríomhar ar an seanscéal Togail Bruidne Da Derga. Read More

Duais Mhic Phóilin Buaite ag Táin Bó Cuailnge

I gCill Airne le linn Oireachtas na Samhna a dámhadh Duais Chuimhneacháin Aodáin Mhic Phóilin ar an saothar próis Táin Bó Cuailnge le Darach Ó Scolaí, leagan nua den saothar liteartha is íocónaí sa Ghaeilge. Foilseofar an leabhar i ndeireadh na míosa seo. Read More

Clasaicí Beaga Bídeacha do Léitheoirí Beaga Bídeacha

Don Nollaig seo, tá na sé leabhar sa tsraith 'Clasaicí Beaga Bídeacha' ar fáil in éineacht ar lacaiste speisialta — picleabhair ghleoite de sheanscealta na hEorpa agus iad ar fáil i nGaeilge bhreá shimplí do na Gaeil óga sa bhaile! Read More

Sióga na Nollag

Díreach in am don Nollaig, tá an tríú leabhar sa tsraith Síscéalta Lios Lurgain ar fáil sna siopaí, agus scéal nua ann faoi Luisne agus a cairde Sí. An uair seo, is i ndomhan na ndaoine (nó sa Domhan Thuas) atá Luisne agus a cara Deirdre ar saoire na Nollag. Read More

Gealach, úrscéal le Seán mac Mathúna á sheoladh ag Alan Titley

Ag labhairt dó ag seoladh an úrscéil Gealach le Seán Mac Mathúna i mbialann La Cave i mBaile Átha Cliath i mí na Nollag 2012, dúirt an tOllamh Alan Titley 'in ainneoin a bhfuil de staidéar á dhéanamh inár scoileanna critice, níl pioc scríte fé nua-phrós na Gaeilge ach ar éigean.’ Read More

Leabhar na Míosa: Gealach le Seán Mac Mathúna

'Leabhar don teaghlach ar fad' an cur síos a dhéanann Seán Mac Mathúna ar Gealach nuair a foilsíodh an leabhar i 2012, agus níl aon amhras ach go bhfuil an ceart aige — scéal a bhaineann le cúpla óg sna déaga, lena n-athair — baintreach fir — agus lena seanmháthair — bean fhuinniúil láidir nach bhfuil aon rian den mhamó sa chlúid uirthi, agus le capall is searrach. Read More

Leabhar na Míosa: Fontenoy

"Cuimhnigh ar Luimneach agus ar fheall na Sasanach!" a scairt na Gaeil ag Fontenoy, de réir chuimhne ár muintire "Messieurs les Anglais, tirez les premiers !" a scairt an t-oifigeach. dar leis na Francaigh. Dhá insint éagsúla ar an stair agus ar an gcath. San úrscéal Fontenoy, téann Liam Mac Cóil i ngleic leis an stair agus leis an bhficsean — úrscéal máistriúil a bhain Gradam Uí Shúilleabháin amach in 2006. Read More

Dúmharú in Apainn na hAlban

In Iarthar na hAlbain, ar an 14 Bealtaine 1752, a tharla Marú na hApann, nó Murt na h-Apann mar a thugtar sa Ghàidhlig air. Caitheadh Cailean Rua Caimbeul i Leitir Móir gar do Bhaile a’ Chaolais san Apainn agus d’éalaigh an fear a chaith é, gan a fheiceáil ag lucht chuideachta an Chaimbéalaigh. Baineann an marú seo le hiarmhairt fhuilteach Éirí Amach na Seacaibíteach in 1745, agus aithnítear go coitianta gur éagóir mhór a bhí sa chás cúirte a lean an dúnmharú. Read More

Cú: The Great Epic Saga

'Cú' is a series of graphic novels recounting the tale of Cú Chulainn and the Táin — and told in the language of the Gods! Paul Bolger's vibrant artwork brings the Gaelic hero par excellence to life on the page, along with King Conor of Ulster, Maeve Queen of Connaught, the Warrior Queen Scáthach and many more. Read Cú in Irish, listen to the hero speak! Read More

Leabhar na Míosa: Oileán an Órchiste le RL Stevenson

Gan dabht, is é Long John Silver an foghlaí mara is aitheanta ó chuir longa seoil chun farraige an chéad lá riamh. Bunaithe ar an íomhá a chruthaigh Robert Louis Stevenson ina úrscéal Oileán an Órchiste de mhairnéalach na leathchoise agus a phearóid ar a ghualainn aige, cruthaíodh samhail in intinn léitheoirí den fhoghlaí mara, samhail atá linn fós. Read More

Tuatha Dé Danann agus Seilbh na hÉireann

Te sna sála ar Conaire Mór, tá Diarmuid Johnson chugainn le seoidleabhar eile i gcroinicí na nGael, Tuatha Dé Danann, leabhar a insíonn scéal gabhála Éireann, scéal Lugha Lámhfhada, scéal Bhalair, scéal Nuadha Airgeadlámh, agus ár scéal féin. Read More

Chugainn Feargal Ó Béarra agus an Tromdhámh!

Leabhar neamhchoitianta amach is amach is ea an leabhar nua seo le Fearghal Ó Béarra, athchóiriú ar sheanscéal ón 14ú hAois a thugann leis brí, fuinneamh agus scleondar an bhunscéil, Read More

Táin Bó Cuailnge ar Ghearrliosta 'Leabhar na Bliana'

Ainmníodh an t-eagrán nua den Táin le Darach Ó Scolaí do Ghradam Uí Shúilleabháin inniu. Sé leabhar ar fad atá ar an ngearrliosta agus fógrófar 'Leabhar na Bliana' ag an Oireachtas i gCill Áirne ar an 31 Deireadh Fómhair. Read More