údair
Fáilte go dtí leathanach idirlín an údair
Beathaisnéis agus leabhair an úrscéalaí, Liam Mac Cóil
Liam Mac Cóil
Scríbhneoir agus criticeoir is ea Liam Mac Cóil. Tá sé ina chónaí i Ráth Cairn na Mí. Tá leabhair, ailt, agus aistí scríofa aige faoi chúrsaí litríochta, staire, ceoil, ealaíon agus teilifíse.
Ba é a úrscéal An Dochtúir Áthas (1994) an chéad leabhar Gaeilge a cuireadh ar ghearrliosta Dhuaiseanna Liteartha an Irish Times. Ó shin foilsíodh úrscéal eile leis, An Claíomh Solais, agus dialann scríbhneoireachta, Nótaí ón Lár. Bhuaigh a úrscéal Fontenoy Gradam Uí Shúilleabháin 2006. Chomh maith lena shaothar do dhaoine fásta tá leabhar sa tsraith Scéalta Staire scríofa ag Liam Mac Cóil, Toirealach Ó Cearúlláin. Tá aistriúcháin déanta ón mBreatnais freisin aige, Tiocfaidh Lá le Ffred Ffransis (Carbad, 1977), agus Saibhreas Chnoic Chaspair le J. Selwyn Lloyd (An Gúm, 1981), agus d’fhoilsigh sé stair a áit dhúchais féin, The Book of Blackrock (Carraig Books, 1977, 1981). I gcomhar leis an Ollamh Ruairí Ó hUiginn, tá Liam ina eagarthóir ar an iris litríochta agus ealaíne Bliainiris.
D'fhoilsigh Leabhar Breac an leabhar is deireanaí leis, leabhar ar an gcumadóir Charles Villiers Stanford An Chláirseach agus an Choróin: Seacht gCeolsiansa Stanford i 2010.
"There is no other novelist in Irish today who writes with the same care, precision and clarity." — Alan Titley, The Irish Times
An Chláirseach agus an Choróin
Neamhfhicsean
€20.00 (bog), 420 lch; ISBN 978-0-898332-45-2
Cumadóir mór ceoil ba ea Charles Villiers Stanford, b’fhéidir gurb é an cumadóir ba mhó é a tháinig as Éirinn riamh. Sa leabhar breá sómasach seo déantar iniúchadh, ní hamháin ar cheol Stanford agus ar cheol na nGael, ach ar chúlra cultúir an chumadóra chlúitigh seo. Go deimhin, ní minic leabhair Ghaeilge ag scrúdú an...
Ceannaigh an leabhar
An Dochtúir Áthas
Ficsean
€12.50 (bog), 200 lch; ISBN 978-0-898332-18-5
An chéad úrscéal le Liam Mac Cóil, agus an chéad leabhar Gaeilge a cuireadh ar ghearrliosta Dhuaiseanna Liteartha an Irish Times.
Ba é mo dhochtúir féin a chuir chuige mé. “Tá galar ort,” a deir sé an lá seo, “nach bhfuil aon ainm air. Tá an Dochtúir Áthas an-sciliúil ina leithéid,” ar seisean. “Tá mé chun...
Fontenoy
Ficsean
€12.50 (bog), 192 lch; ISBN 978-0-898332-5-7
An t-úrscéal is deireanaí le Liam Mac Cóil, agus buaiteoir Ghradam Ui Shúilleabháin 2007.
In Chartres na Fraince fuarthas leathanaigh chlóbhuailte ón 18ú haois, agus tagairt d’údar mistéireach na bprofaí seo, an Captaen Seán Ó Raghallaigh. Ábhar an leabhair: Tuarasgbháil ar an gCath clúmhail ris a ráidhtear Fontenoy fearadh i bhFlóndras...
An Claíomh Solais
Ficsean
€12.00 (bog), 104 lch; ISBN 978-0-898332-02-8
"Ba ansin a tharla sé. Ag stróiceadh aníos an bóthar mar a bheadh splanc dhubh thintrí ann. Le linn dó féin agus do Reiner a bheith ag cur deireadh le radharc cathréimneach an chlaímh go croíúil glórach, chonaic sé ag déanamh air é mar a bheadh neach dorcha éigin as ríocht na gréine..."
Úrscéal a suitear i Ráth Chairn na Mí...
Toirealach Ó Cearúlláin
Óige
€4.95 (crua), 48 lch; ISBN 978-0-898332-12-6
Beathaisnéis staire don aoisghrúpa 10-14 bliana. Bhí an cláirseoir dall, Toirealach Ó Cearúlláin, ar dhuine de na ceoltóirí agus cumadóirí ba mhó in Éirinn riamh. Tá a chuid ceoil chomh mór i mbéal an phobaill inniu is a bhí ariamh. Tugann a scéal léargas dúinn ar stair, ar chultúr, agus ar cheol na nGael. Tugann sé léargas...
Nótaí ón Lár
Neamhfhicsean
€8.40 (bog), 17 lch; ISBN 978-0-898332-15-0
Nuair a hiarraidh ar an údar ábhar a chur ar fáil a dhéanfadh ceiliúradh ar theanga na Gaeilge sa bhliain 2000, agus sin, dá mb'fhéidir é, i bhfoirm dialainne, fuair sé amach go raibh uirlis curtha ina lámha ag An Aimsir Óg lena bhféadfadh sé scrúdú a dhéanamh ní hamháin ar staid na teanga agus na tíre ach ar a chuid smaointe agus...
nuacht
-
Eagrán bog de Hula Hul
Tá eagrán nua den úrscéal mórdhíola le Seán Mac Mathúna, Hula Hul, ar fáil anois faoi chlúdach bog. €12.00 atá ar an eagrán seo, agus beidh sé ar díol i siopaí leabhar na tíre idir seo agus Nollaig. Tá an leabhar ar fáil freisin ó leabharbreac.com saor ó phostas. (...ar lean) -
Duais leabharbreac.com
Mar chuid de sheoladh an tsiopa ar shuíomh nua leabharbreac.com bronnfar duaiseanna i gcaitheamh mhí Mheán Fomhair ar gach cuistiméar a ordóidh leabhair ar an suíomh. (...ar lean) -
An Chláirseach i nDurham
Sheol Ambasadóir na hÉireann sa Bhreatain leabhar nua Liam Mhic Cóil, An Chláirseach agus an Choróin, ag comhdháil ar cheol agus ar cheoltóirí na hÉireann in Ollscoil Durham Shasana Dé Máirt. (...ar lean) -
Úrscéalaí Nua Farainn
Leabhar eile atá ar na bacán anois, agus a bhfuil súil mhór léi, is ea an chéad úrscéal le hÉilís Ní Anluain. (...ar lean) -
Sasanachas faoi Scrúdú
Tagtha te bruite ó na clódóirí, tá leabhar nua Liam Mhic Cóil An Chláirseach agus an Choróin faoin gcumadóir Éireannach Charles Villiers Stanford agus faoin gceol Gaelach. (...ar lean)
Tugann Foras na Gaeilge tacaíocht airgid do Leabhar Breac