Fáilte go suíomh idirlín Leabhar Breac!
—Gach eolas ar fáil anseo ar na leabhair is mó éilimh, agus ar na foilseacháin is deireanaí chugainn — te bruite ó na clódóirí!
Cérbh í Meg Russell?
Máire Mhac an tSaoi
Saothar nua ó dhuine de mhórfhilí ár linne. Leabhar neamhchoitianta is ea é seo, a chaitheann solas gléineach na scoláireachta ar shaol agus ar aigne dhúbaltana mionuaisle Gaelacha in aimsir chorraitheach an athrú saoil sa seachtú haois déag. Tá stair agus seanchas nasctha le chéile go hábalta ann, cur síos mionchúiseach ar mhilieu an fhile chomh maith le léargas tuisceanach ar choinbhinsiúin liteartha agus bhéasa iompair na linne. Ar deireadh, is scéal bleachtaireachta é a chuireann fuil agus feoil na daonnachta ar chreatlach lom na staire.
Foilsíodh an leabhar seo i gcomhar le hIonad an Léinn Éireannaigh, OÉG.
Fontenoy
Liam Mac Cóil
I mbosca 2311 i gcartlann in Chartres na Fraince fuarthas leathanaigh chlóbhuailte i gcló Gaelach ón 18ú haois. Ar an gcéad leathanach tá tagairt d'údar mistéireach na bprofaí seo, an Captaen Seán Ó Raghallaigh. Ábhar an leabhair a bhí idir lámha aige: Tuairisg nó Tuarasgbháil ar an gCath clúmhail ris a ráidhtear Fontenoy fearadh i bhFlóndras san Tír Íochtair san mbliadhain d'aois an Tighearna 1745. Sna leathanaigh seo déantar cur síos ar bhua is ar dhíomua, ar thine ghealáin is ar phaisean is ar ghlóir na cogaíochta.
Eagrán nua faoi chlúdach bog den úrscéal clúiteach a thug léi Gradam Uí Shúilleabháin 2006.
Tuilleadh eolais
Lár an Domhain
Beairtle Ó Conaire
Cnuasach úrnua gearrscéalta agus duaisleabhar ó údar an úrscéil Fonn na Fola agus na gcnuasach gearrscéalta Fete agus Scéalta Eile agus Marlyn Monroe i mBaile an Ghoirt. As Ros Muc i gConamara don úrscéalaí agus gearrscéalaí aitheanta, Beairtle Ó Conaire. Bronnadh Duais an Oireachtais ar an gcnuasach seo i 2004.
Tuilleadh eolais
Craos
Darach Ó Scolaí
Script nua le húdar na ndrámaí Coinneáil Orainn agus An Braon Aníos, agus le buaiteoir Dhuais Bháitéir Uí Mhaicín agus Gradam BBC Stewart Parker. Is é Craos an dráma is deireanaí óna pheann, agus an tríú dráma sa triológ Trí Braon. Rinne an compántas Salamandar camchuairt na tíre i 2008 leis an dráma seo a dtugann an Irish Times “dráma grinn [air] a bhfuil ábhar machnaimh ann, aisteoireacht den scoth, agus caint spleodrach deisbhéalach”.
Tuilleadh eolais
An Cléireach
Darach Ó Scolaí
Suitear an t-úrscéal seo in Éirinn agus i Mór-Roinn na hEorpa sna blianta 1622-1667, agus mórthimpeall ar eachtra amháin, ach go háirithe, a thit amach in Earrach na bliana 1650 nuair a cruinnítear buíon bheag ar thaobh sléibhe in Éirinn agus, in ainneoin an áir atá á bhagairt orthu, ar feadh aon oíche amháin tagann aiteall sa bháisteach, soilsíonn na réaltóga, agus déantar ceiliúradh ar an ealaín is ar aislingí.
Eagrán nua bog den duaisleabhar mórdhíola a ghnóthaigh Duais an Oireachtais 2007, agus Gradam Uí Shúilleabháin 2008.
Léigh sliocht as an leabhar
Hula Hul
Seán Mac Mathúna
Ciarraí, 1923. I laethanta deireanacha an chogaidh chathartha tugtar ordú don chaptaen Mait Dálaigh: “An dispatch-box san, caithfidh sé a bheith sa Seanabhaile roimh an gcúigiú lá, sin cuig lá. Agus é seo a thabhairt leat in éineacht — mar phríosíúnach.”
I dtraidisiún Dr Zhivago, Gone with the Wind agus For Whom the Bell Tolls insíonn Seán Mac Mathúna scéal Mhait Dálaigh, fear nach raibh riamh le bean; scéal Cháit Bhric, bean óg a bhfuil a saol caite aici ag sclábhaíocht; agus scéal Bhreen, ógánach slachtmhar a bhfuil a chrois féin le hiompar aige trí shneachta shléibhte Chiarraí agus e ina chogadh dearg ar gach taobh de.
Léigh sliocht as an leabhar
Níl Cead Snámh sa Loch
Máire Ní Ghallchobhair
An ceathrú leabhar sa tsraith Lúsaí don aoisghrúpa 6-8 mbliana.
Cailín beag í Lúsaí atá lán le spraoi agus le greann. Ceapann na daoine fásta go bhfuil sí beagáinín ró-aerach. Ach is deacair Lúsaí a smachtú!
Ealaín le Peter Donnelly.
Tuilleadh eolais